D'Organisatioun an d'Responsabilitéit vum Schoultransport a vum Parking virum Schoulgebai ënnerlaien der Gemeng Useldeng.

Bei Froën kënnt Dir Iech gäeren un d'Gemeng wenden.

Un d'Elteren déi hiert Kanner trotz Schoultransport mam Auto bréngen:
Haalt w.e.g. net matzen am Wee stall mee fuert entweeder duerch de Kiss&Go, oder stellt ären Auto op enger agezeechenter Parkplaz of.

Haalt Iech w.e.g. un d'Vitesslimitatiounen um Parking. Kuckt datt Är Kanner viru 7h50 resp. 14 Auer am Schoulhaff sinn. Villmools Merci.

Fir d'Sécherheet am Bus garantéieren ze kënnen, mussen d'Kanner folgend Reegelen anhalen:

• De Bus ass mat Sécherheetsgurten equipéiert. D'Sécherheetsgurte musse benotzt ginn.
• Soulaang wéi de Bus fiert, mussen d'Kanner op hirer Plaz sëtze bleiwen.
• D'Schoulsäck ginn ënnert de Sëtzer verstaut. T'ass verbuede fir sech mam Schoulsak um Réck ze setzen.
• D'Kanner klamme lues an een nom aneren an de Bus eran.
• Am Bus schwätze mir roueg mateneen.
• D'Kanner follegen dem Buschauffer.
• D'Kanner halen de Bus propper. Et gëtt net am Bus giess oder gedronk.

Mir weisen drop hin datt d'Surveillance am Schoulhaff um 7h35 resp. 13h50 ufänkt. Déi Elteren, déi hir Kanner méi fréi an d'Schoul wëlle bréngen, si gebieden, d'Servicer vun der Maison Relais an Usproch ze huelen.

Mir bieden d’Elteren hir Kanner net um Arrêt "Spuerkeess" erauszeloosse fir de Bus ze huelen, wann si net do wunnen, ma op den Arrêt "Ancienne Ecole" oder "Cimetière" zeréck ze gräifen, dëst aus Sécherheetsgrënn. D’Gemeng an d’Schoulpersonal wëllen Iech drop hiweisen, dat déi Elteren, déi hir Kanner  hei erausloossen, dëst op hir  Verantwortung maachen!
eegetrotzdeem

Merci am Viraus fir Är Mataarbecht!