http://www.100komma7/podcast/277508

De Jean-Claude Majerus vum Radio 100,7 ass e Méinde bei eis an d'Klass komm an huet eis gefrot wat mer vun de Kannerrechter wëssen. Haut ass jo den 30. Gebuertsdag vun der UN-Kannerrechtskonventioun. Lauschtert mol eran. Mat derbäi waren d'Schüler vun der Madame Tania Schneider.

Den 18. November hu mer am Atelier Säz gefëscht. Mat enger Aangel mat engem magnéitsche "Kreepchen" huet all Kand ee Sujet, e Verb an en Sazobjet gefëscht. Duerno hu mer d'Säz zesummegebaut a gelies. Dobäi ass natierlech vill de Sazbau geübt ginn, mee awer och d'Conjugaisoun vun de Verben, well d'Sujet'en ënnerschiddlech waren. Duerno hu mer d'Quatschsäz (verschidden Objet'e hu net bei d'Verb gepasst) verbessert. An engem zweeten Tour hun d'Kanner nach missen e passend Adjektiv fir bei hiren Objet fannen an am drëtten Tour eent fir de Sujet méi genee ze beschreiwen.

Virwat net einfach d'Käertercher huelen? Et ginn Studien, déi weisen, dass Kanner Saachen, déi se mat Beweegung léieren, besser verhalen (d'Gehier ass dobäi méi aktivéiert). Bei dëser Übung gëtt och ganz geziilt d'Réckemuskulatur trainéiert, well haut vill Kanner eng schwaach Réckemuskulatur hunn, wat Problemer mat der Haltung mat sech ka bréngen.

Ouni Biller:

Am Atelier hu mer och nach TickTackBumm gespillt. Dobäi mussen d'Kanner Wieder mat engem bestëmmten Buchstaw oder Buchstawegrupp sichen. 

An verschiedenen Stationen lernen die Schüler die unterschiedlichen geometrischen Körper kennen. Sie müssen sie beschreiben, analysieren, erbauen, zählen... Anhand von konkretem Material beGreifen sie die Körper.

D'Kanner vum Cycle 2 vun der ganzer Suessemer Gemeng hunn sech de 6. November am Artikuss fir den Ofschloss vun der Aktioun "Opfalen ass erlaabt" versammelt.

Fir d'éischt goufen déi 9 gëlle Reegelen widerholl, fir als Foussgänger sécher duerch de Verkéier ze kommen, wéi z.B. "Rout: ech bleiwe stoen. Gréng: ech ka goen!" Dono konnten d'Schüler feststellen wéi geféierlech et ass an der Däischtert mat däischterem Gezei ze trëppelen. Mat reflektéierende Vesten ass e Mënsch bis op 140 Meter siichtbar.

Ënnert der Leedung vum Annette Ben Guigui hunn d'LASEP Zumba Kids een Danz am Däischtere mat giele Liichtwesten opgefouert. Alleguerten d'Kanner kruten dono och esou eng giel Liichtwest ausgedeelt.

10 Klassen hu beim Concours "Zu Fouss an d'Schoul" matgemeet. Gewonnen huet d'Klass vum C2.1 vum Anouk Krieps vu Suessem, déi di meeschten Trajeten zu Fouss zesummenziele konnt. D'Kanner kruten ee Bong fir bei hiren Ausfluchsbudget bäizeleeën. Hinnen ee grousse BRAVO heifir!