Et ass erem esou wäit. D'Kanner aus dem C3.2 aus eiser Klass ginn freides an den RedRockClimbingCenter op de Scheierhaff kloteren. Lues a lues léiere mer wéi ee sech op enger Kloterwand beweegt an op wat mer mussen oppassen, fir dass kee sech verletzt. Sécherheet geet vir! Elo schon e grousse Merci un d'Personal vun der Maison Relais, dat eis ënnerstëtzt.
Mir hunn erem ugefaang, dass Kanner anere Kanner eppes virliesen. All Woch liesen dräi Kanner de Kanner aus engem aneren Cycle eppes vir.
Weider Fotoe komme no...
Schoul Suessem
Och mam COVID-19 huet d'Schoul Suessem Projeten!
18. Oktober 2020
Mir wëllen d'Hoffnung behalen, datt 2021 verschidde Restriktiounen opgehuewe ginn, an datt mir nees Fester feieren dierfen. Dofir hu mir elo scho folgend Datume festgeluecht :
Fréijoersfest : 31. Mäerz 2021
Summerfest : 2. Juli 2021
Loosst eis d'Daumen halen...
Schoul Suessem
Eis Schoulcharta ass do!
30. September 2020
Se ass do: eis Schoulcharta! Well mir all d'Recht hunn ouni Angscht an der Schoul léieren ze dierfen, wëlle mir eis un d'Reegelen halen, déi mir selwer festgeluecht hunn.
