Mir hunn haut vum Wieder profitéiert an hunn dobaussen e puer Parkour-Übunge gemaaach. Déi lescht fënnef Minuten huet et ugefaang e bësse frësch ze ginn. Dat war deemno gudden Timing.

En neit Fach, dat eis all interesséiert. Programmation ass flott.

Hei sinn e puer Impressiounen vun de Léierspiller mëttwoch mëttes. Déi lescht zwou Woche war et virun allem Ein-mal-eins a Rechegesetzer. Op eng spillerech Aart a Weis ginn d'Mol-Reihen an d'Rechegsetzer (Punkt- vor Strichrechnung) widderholl.

En anert Spill ass de Reihen-Tic-Tac-Toe. Et muss een der dräi an eng Rei kréien. Allerdings net einfach traditionnell Kräizer a Rondelen, mee d'Zuele vun enger Mol-Rei. Opgepasst! Wann een eng falsch Zuel schreift huet de Matspiller gewonn!

Mir hunn och Wierder mat engem bestëmmten Buchstaw gesicht an et sinn nach e puer Biller dovun, wéi mer an der Klass franséisch Sätz mat de Billerkäertercher gebaut hunn. Fir d'éischt mëndlech an duerno schrëftlech.

De BookCreator hu mer eis ugekuckt. Ech mengen, do stécht vill Potenzial fir pädagogesch sënnvoll Aktivitéiten dran.

Den Itou ass ee prächtege schwaarze Labrador Retriever, deen zwee Joer ausgebild gouf fir enger Persoun mat enger Behënnerung, sief et kierperlech oder mental, am Alldag ze hëllefen. Elo geet hie mat senger Betreierin a Schoulen fir ze weise wat sou Assistenzmuppen alles kënnen an och fir Hëllef fir d'ASA -Amicale vun der Schoul fir Assistenzhonn ze froen bei der Finanzéierung vun dëser ganz deierer Ausbildung. Dat kann ee ganz einfach maachen andeems ee Plastiksstëpp fir si sammelt. 
Bei eis an der Schoul gëtt et ee Container am ale Gebai ënnen am Gang, an deem d'Kanner hir Stëpp geheie kënnen.

https://www.asa-asbl.com/

https://www.doggy.lu/fileadmin/user_upload/asa-bouchons-1709.pdf