Haut hunn d'Kanner aus dem C4.1 de Kanner aus dem Cycle 3 en Exposé gehal iwwer hir Ski-Colonie am Montafon. Am Virfeld hunn si Plakater erschaf, e Plang gemaach, sech ofgeschwat an hir Texter preparéiert. Si hunn dat als Team ganz flott a lieweg eriwwer bruecht an e ganze Koup Informatiounen an Andréck geliwwert. Jiddereen huet säi Bäitrag geleescht. Merci fir déi interessant Presentatioun!

Esou lues a lues kommen impresionnant Konsctstécker eraus!

Am Turnen si mer amgaang Akrobatik ze maachen. Nom Opwiermen an e puer Basis-Übungen fir d'Grondreegelen kennen ze léieren, konnten d'Kanner sech fräi Käertercher mat verschiddenen Akrobatien aussichen an déi realiséieren. Bei deenen méi schwéieren huet missen een Erwuessenen dobäi sinn.

D'Akrobatik fërdert d'Selbstvertrauen, baut d'Kierperschema weider aus a léiert d'Kanner een deem aneren ze vertrauen. Si mussen een op deen aneren oppassen a wann ee "Stopp" seet, gëtt d'Übung direkt  erem ofgebaut, ouni sech falen ze loossen.