Mir hunn ugefaang d'1-mal-1 ze widderhuelen, dat maache mer net just duerch "béchsen", mee och ganz konkret, hei hu mer Reien-Dännebeemercher zesumegeluecht. Ganz super: nodeems mueres eng Grupp vun dräi Kanner ugefaang hat, huet nomëttes fräiwëlleg (bal) jidferee matgemaach. Si ware ganz konzentréiert bei der Saach, och wann (oder grad well?) se vill an haart matenee geschwat hunn.

Jidder Grupp huet en Abschnitt iwwersat, duerno ass direkt op der grousser Tele getippt gin. Esou konnt jiddereen gesinn, wou mer dru waren. Zesummen hu mer dunn stylistesch Elementer analyséiert an eis entscheed, wat am beschte wier.

Haut ware mer mam Vëlo fueren. Beim Kulturschapp hunn d'Kanner hir Vëloë kontrolléiert kritt, duerno konnten si e Parcours fueren. Zum Schluss si mer nach e puer Ronnen um Parking gefuer, ier et zréck bei d'Schoul gangen ass.