Haut hu mer op der Textebene d'Verständnis trainéiert. An Zweeërgruppe kruten d'Kanner een Ausschnëtt (nummeréiert mat Buchstawen) aus engem (gemeinsamen) Text. Deen konnten si liesen an zu zwee kucken, ob se verstan hunn, ëm wat et geet. Duerno sinn d'Texter op den Dëscher gelooss ginn, mer hunn eis all zesumme gesat. D'Kanner hu missen zesummen schwätzen (op däitsch natierlech...) an diskutéieren, a wéi enger Reihefollge hier Textausschnëtter dee ganzen Text erginn. Als Kontroll ass all Grupp säin Text siche gaang a si hunn se an der richteger Reihefolleg zesummegeluecht a gelies.
(Ouni Fotoen) Mir hunn och Adjektiver gesteigert (groß-größer-am größten) an d'Géigendeeler dovu gesicht (groß-klein).
Donieft hu mer zesummegesate Nome gebilt. D'Kanner hunn erausfonnt, dass de Genre (der-die-das) ëmmer esou ass, wéi deen zweeten Deel vum Wuert (das Schloss, die Tür ==> DIE Schlosstür). Als witzegen Ofschloss hu mer ee nom aneren Quatschwierder erfonnt an d'Erklärunge dozou ginn (Fußsaft = Wenn die Füß den ganzen heißen Tag in Gummistiefeln steckten und viel schwitzten, dann nennt man die Flüssigkeit im Stiefel...)
