D'Equipe vun der Eilerenger Schoul wënscht alle Schüler an Elteren e gudde Start an dat neit Schouljoer 2019/2020 😀
Schéi Vakanz!
12. Juli 2019
D'Schoul Eilereng wënscht alle Schüler an Elteren eng schéi Vakanz bei hoffentlech guddem Wieder. Erhuelt iech gutt, de 16. September gesi mir eis erëm!
Schoulfest 2019
10. Juli 2019
Mol eng Kéier hate mer schéint Wieder op eisem Schoulfest! Et gouf gegrillt, Famillje konnten zesummen iessen, d'Kanner konnte Spiller maachen, an et gouf natierlech och Kaffi, Kuch a Popcorn.
Ausfluch
4. Juli 2019
Haut war déi ganz Schoul Eilereng (Cycles 1 bis 4) op den Ausfluch an d'Grottes de Han (BE). Moies du mer eng Safari am Déierepark gemaach, mir hu Wëll Schwäin, Wëllef, Bieren, Bisons a ganz vill aner Déiere gesinn. An der Mëttesstonn hu mer e Picknick op der Spillplaz gemaach, duerno si mer mam Tram bei d'Grott gefuer a sinn dunn déi 4 km duerch de Bierg gangen. Fotoe komme no a no...
Waasserschlacht
26. Juni 2019
Haut de Mëtteg hunn den C2, den C3 an den C4 eng Waasserschlacht gemaach fir d'Hëtzt ze iwwerbrécken.
