Hei sinn e puer Impressiounen vun de Léierspiller mëttwoch mëttes. Déi lescht zwou Woche war et virun allem Ein-mal-eins a Rechegesetzer. Op eng spillerech Aart a Weis ginn d'Mol-Reihen an d'Rechegsetzer (Punkt- vor Strichrechnung) widderholl.

En anert Spill ass de Reihen-Tic-Tac-Toe. Et muss een der dräi an eng Rei kréien. Allerdings net einfach traditionnell Kräizer a Rondelen, mee d'Zuele vun enger Mol-Rei. Opgepasst! Wann een eng falsch Zuel schreift huet de Matspiller gewonn!

Mir hunn och Wierder mat engem bestëmmten Buchstaw gesicht an et sinn nach e puer Biller dovun, wéi mer an der Klass franséisch Sätz mat de Billerkäertercher gebaut hunn. Fir d'éischt mëndlech an duerno schrëftlech.

De BookCreator hu mer eis ugekuckt. Ech mengen, do stécht vill Potenzial fir pädagogesch sënnvoll Aktivitéiten dran.

Mir hun eist Turnen de Mueren (bal) spontan op de Schlittebierg verluecht! Et ass zwar net ganz gutt gerutscht, mee et huet trotzdem Spaass gemaach.

Hei sinn e puer Impressiounen vun eiser Klass aus dem éischten Trimester.

Leider kënne mer net méi klamme goen. Dofir si mer de Moien e flotten Tour trëppele gaangen. Et war e bësse frësch, mee ganz flott. Ennerwee hu mer e puer Plaze fonnt, wou et glat war. Fir verschidde Kanner war et déi éischte Kéier op enger Schläich!