D'Reegelen an der "Schoul Useldeng" an an der Maison Relais "Bei de Fliedermais" sinn déi selwecht a gëllen iwwerall. All Schüler muss sech un d'Reegelen halen. Wann e Schüler sech net un d'Reegelen hält, gëtt säi Verhalen entspriechend gestrooft.
|
ChartaD'Schoul Useldeng an d'Maison Relais "Bei de Fliedermais" hu gemeinsam eng Charta opgestallt.
|
|
|
Reegelen am Bus:
- De Bus ass mat Sécherheetsgurten equipéiert. D'Sécherheetsgurte musse benotzt ginn.
- Soulaang wéi de Bus fiert, mussen d'Kanner op hirer Plaz sëtze bleiwen.
- D'Schoulsäck ginn ënnert de Sëtzer verstaut. T'ass verbuede fir sech mam Schoulsak um Réck ze setzen.
- D'Kanner klamme lues an een nom aneren an de Bus eran.
- Am Bus schwätze mir roueg mateneen.
- D'Kanner follegen dem Buschauffer.
- D'Kanner halen de Bus propper. Et gëtt net am Bus giess oder gedronk.
|
Reegelen am Schnéi:
- Mir schéisse kengem an d'Gesiicht oder op de Kapp.
- Mir seefe kee mat Schnéi an.
- Mir schéisse just mat Schnéi. Mat Äis schéissen ass geféierlech.
- Mir passen op, dass keng Steng an de Schnéibäll sinn.
- Mir schéissen net op d'Fassade vun der Schoul.
- Mir stieche kengem Schnéi oder Äis ënner d'Kleeder.
- Mir loossen de Schnéi an d'Äis am Schoulhaff.
|
Reegelen am Schoulhaff:
- Mir ginn héiflech a frëndlech mateneen ëm.
- Mir passen op d'Saache vun eise Matschüler a vun der Schoul op.
- Mir soen dem Surveillant Bescheed wann eppes geschitt ass a waarden net bis d'Schoul erëm un ass.
- Mir geheien eisen Offall an d'Poubelle.
- Mir spillen net an de grousse Wasserpill wann et gereent huet.
- Wann et schellt, stelle mir eis roueg an uerdentlech an eng Réi hannert d'Markéierung um Buedem.
- Um Wee fir an d'Paus, oder fir zeréck an d'Klass trëppele mir ouni ze drécken an ze iwwerhuelen hanner eiser Joffer/eisem Schoulmeeschter.
|
Reegelen an den Hecken:
- Mir rappen oder briechen net muttwëlleg Blieder oder Äscht of.
- Mir spillen net mat Bengelen.
- Wann d'Hecken "zou" sinn, bleiwe mir eraus aus den Hecken.
- Mir trëppelen net op d'Planzen.
|
Reegelen um Terrain:
- Mir halen eis un de Fussballsplang.
- Mir halen eis un de Baskettsplang.
- Nëmmen déi Schüler déi spillen däerfen, sinn um Terrain.
- Mir froe fir de Ball an d'Feld sichen ze goen.
- Mir spille fair.
|
|
|
Reegelen an der Schoulbibliothéik
- D'Kanner däerfen sech maximal 2 Bicher gläichzäiteg ausléinen.
- D'Bicher mussen onbeschiedegt erëm zréckkommen.
- Wann e Buch verluer geet oder beschiedegt gëtt, mussen d'Eltere fir de Schued opkommen : Buch nei kafen oder bezuelen.
- Um Wee fir an d'Bibliothéik an um Réckwee trëppele mir ouni ze lafen.
- Um Wee fir an d'Bibliothéik an um Réckwee respektéiere mir d'Rou vun deenen anere Klassen.
- An der Bibliothéik ass ee lues a récksiichtsvoll.
- An der Bibliothéik gëtt just ganz lues matenee geschwat.
- An der Bibliothéik beweege mir eis lues.
- An der Bibliothéik gëtt net giess oder gedronk.
- An der Bibliothéik ginn all d'Bicher erëm op hier Plaz zréck geraumt.
|
Reegelen fir d'Kleeder:
- Mir di keng Schong mat Rieder oder Talleken un.
- Mir di keng Sécherheetsuerdnung (Bottinnen) un.
- Kuerz Boxen a Juppe mussen eng ugemoosse Längt hunn.
- Mir kleeden eis esou, dass den Decolleté, den Nuebel an d'Ënnerwäsch bedeckt sinn.
- Mir kommen ongeschminkt an d'Schoul.
- Eis Kleeder weise keng Messagen oder Biller vu Gewalt, mat sexuellem Charakter oder vulgärem Inhalt.
|
Reegelen fir d'Elteren:
- D'Elteren informéiere sech wou de Klassesall vun hirem Kand ass.
- D'Elteren informéiere sech wien d'Enseignante vun hirem Kand sinn a wéi se heeschen.
- D'Eltere suergen dofir, dass hier Kanner zur Zäit an der Schoul sinn.
- D'Eltere parken sech op eng agezeechent Parkplaz.
- D'Eltere respektéieren d'Parkplaze fir "personnes à mobilité réduite".
- D'Eltere fueren an der Zone "Kiss&Go" bis bei de Schluss fir e Stau ze verhënneren.
- D'Eltere mellen hier Kanner of wann se feelen.
|
