Den 29. November ware mer op de pädagogesche Bauerenhaff "A Schmatten". Thema: Mëllech a Botter.

Dëst Schouljoer schaffe mer am Bastelatelier Freides Mëttes rëm un eiser Schoul. Kanner aus alle Cycles bastelen Deko-Material aus Holz no hiren eegenen Iddien, während e puer Kanner aus dem C3 an C4 gläichzäiteg d'Maueren vun de Klassesäll a vum Gank nei usträichen.

Mir hunn ugefaang d'1-mal-1 ze widderhuelen, dat maache mer net just duerch "béchsen", mee och ganz konkret, hei hu mer Reien-Dännebeemercher zesumegeluecht. Ganz super: nodeems mueres eng Grupp vun dräi Kanner ugefaang hat, huet nomëttes fräiwëlleg (bal) jidferee matgemaach. Si ware ganz konzentréiert bei der Saach, och wann (oder grad well?) se vill an haart matenee geschwat hunn.

Jidder Grupp huet en Abschnitt iwwersat, duerno ass direkt op der grousser Tele getippt gin. Esou konnt jiddereen gesinn, wou mer dru waren. Zesummen hu mer dunn stylistesch Elementer analyséiert an eis entscheed, wat am beschte wier.