Dës ganz Woch schwätze mer iwwer de Klimawandel. Mir kucke verschidde Fotoen, déi de Klimawandel an den Afloss vum Mënsch op d'Emwelt an de leschte Joerzéngte, weisen. D'Kanner hun eng Rei Punkten ze analyséieren an musse dat op e Blat schreiwen.
Am Däitschen maache mer en Internetrally, wou d'Kanner en Online-Questionnaire kréien an d'Äntwerten dozou op enger Themesäit zum Klimawandel siche mussen. Dobäi geet et drëm, Texter ze iwwerfléien fir déi richteg Säit ze fannen. Et geet awer och dorëm, op der richteger Säit dann den Text genee ze liesen fir d'Informatioun erauszefilteren. Verschidden Informatiounen sinn och an de Videoen an Animatiounen op däer Internetsäit. Esou gëtt och nach d'Hörverstehen unhand vun authentëschen Dokumenter gefërdert. D'Kanner maachen des Aktivitéit an Zweeërgruppen, eng (lues) Diskussioun iwwer déi richteg Äntwert ass deemno erwënscht an dréit dozou bäi, dass d'Kanner méi déif an d'Thema mussen erantauchen.
Den Text vun eisem Laufdiktat (op franséich) dréi dorëm, wat all eenzelene géint de Klimawandel an d'Ëmweltverchmotzung allgemeng maache kann.
