De lëschte Mëttwoch ware mer (d'Schüler aus der Schoul Zolwer 2000, aus der Klass Szabo) op ee ganz flotten Ausfluch an d'Robbesscheier op Munshausen (Munzen).
Mer waren a verschidden Atelieren. Fir d'éischt hu mer gesinn, wéi d'Schof geschuer gi sinn. Dunn si mer an de Keramiksatelier gaange, wou mer vill flott Figure geformt hunn. Duerno ware mer ganz vill hongereg, a mer hunn op der Spillplaz picknickt a ganz flott gespillt.
Mëttes si mer an den Atelier vun der Woll gaangen. Dësen Atelier war ganz interessant an och ganz flott a mer hu gutt gelaacht. Den Här deen dee gehalen huet, war ee coole Witzbold. Duerno si mer mat der Kutsch gefuer, all Kanner duerften eemol vir sëtze goen. D'Päerd waren d'Jasmine an d'Duschka.
No eiser Kutschefaart si mer an de Bakatelier gaangen an do hu mer Äppeltäsche gebak. Ei, waren déi gutt, déi hu lecker geschmaacht.
Zum Schluss si mer nach d'Déiere, d'Hénger, d'Schnuddelhong, d'Kanéngercher, d'Schof, d'Geessen an d'Iesele fiddere gaangen.
Leider war do Zäit fir eis nees op den Heemwee ze maachen. Dat war ee super Ausfluch.
d'Kanner aus der Klass Szabo 😁😁👍🏻👌😍 Derya,Tiago,Cyntia,Jérémy,Simao,Kayla,Ivan,Vincent,Ailan,Miguel,Emma,Marta,Bruna,Camila
Joffer Liane
