NEWS & UPDATES: Wat leeft an eise Schoulgebaier ?
L4.1 Schrank Guy & Hoerold Pia 17/18 (C4) - Schoul Lamadelaine
Kelten- & Réimerwoch um Tëtelbierg
2. Juli 2018
Grousse Merci un d‘Naturschoul vu Lasauvage déi och dëst Joer nees hir Kelten- & Réimerwoch um Tëtelbierg organiséiert huet. 3 Klassen aus dem Cycle 4 vu Rolleng hunn deelgeholl a ware begeeschtert vun den Atelier‘en déi de Kanner ugebuede goufen: Réimesch Spiller, Feier maachen, Mënzen prägen an eng Fibel hierstellen! Super!
Schnéiklassen Gemeng Péiteng
Filmowend Classe de neige 2018
27. Juni 2018
Et ass mëttlerweil eng Traditioun: um Enn vum Schouljoer kréien Elteren a Kanner aus dem Cycle 4.2 vu Rodange-Péiteng-Lamadelaine gewisen wat si am Januar an de Schnéiklassen erlieft hunn!
Schoulfest 2018 zu LAMADELAINE
15. Juni 2018
Freides, den 1. Juni huet an der Schoul zu Lamadelaine d'Schoulfest 2018 stattfonnt. Nierft de Schoulklassen vum Cycle 1 bis 4 hunn sech d'Maison-Relais "Tëtelbieren" an d'Elteren un dëser Organisatioun bedeelegt. E grousse Merci un all déi Fräiwëlleg déi dës Organisatioun ënnerstëtzt hunn. Iwwer 2000 € konnten ënnerhalb vun nëmmen e puer Stonnen fir de gudden Zweck gesammelt ginn. Bravo! Mir freeën eis elo schons op d'Editioun 2019!
L4.1 Schrank Guy & Hoerold Pia 17/18 (C4) - Schoul Lamadelaine
Optrëtt zum Thema "Zivilcourage" um Schoulfest
1. Juni 2018
Am VieSo-Unterrecht vun der Joffer Sarah Castellani hunn d'Schoulkanner aus dem Cycle 4.1 sech mam Thema Zivil-Courage befaasst an dozou eng kleng Szen ageübt déi si um Schoulfest dem Publikum virgedroen hunn.
Schnéiklassen Gemeng Péiteng
Bye bye Schnéiklassen 2018
6. Februar 2018
D'Schnéiklassen 2018 zu Steinach am Brenner si fäerdeg. Et war eng fantastesch Woch am Schnéi mat super Wieder an optimale Schnéiverhältnisser. E grousse Merci geet un d'Organisateuren an d'Equipe op der Plaz: Léierpersonal, Moniteuren/Monitricen an d'Doktesch déi dofir gesuergt hunn, datt eis Schoulkanner eng onvergiesslech Woch verbréngen. An eiser Foto-Gallerie kennt dir iech nach ee Mol di schéi Momenter vun der Editioun 2018 ukucken. Schnéiklassen'2019, mir kommen...
Schnéiklassen Gemeng Péiteng
+++ INFO RETOUR CLASSES DE NEIGE 2018 +++
2. Februar 2018
🏁 Eis Schoulkanner aus dem Cycle 4.2 an dee ganze Begleeder-Staff si gutt an der Gemeng Péiteng ukomm! Enfants et accompagnateurs sont bien arrivés dans notre commune! 👍 Un merci particulier aux chauffeurs de bus des entreprises Huberty, Simon-Tours et Unsen.
Déi 5 Reesbus'en wäerten géint 20:30 Auer ukommen. // L'arrivée des bus à Lamadelaine, Rodange et Pétange est prévue vers 20h30.
Schnéiklassen Gemeng Péiteng
+++ RETOUR - CLASSES DE NEIGE 2018 +++
2. Februar 2018
Eis Schoulkanner an dee ganze Begleeder-Staff sinn um Heemwee! Géint 10h15 sinn déi 5 Reesbussen zesumme gestart. Mir wënschen hinnen eng gutt Rees! // Toute l'équipe des classes de neige 2018, enfants et accompagnateurs viennent de prendre la route du retour. Nous leur souhaitons un agréable voyage. ❗️ L'horaire exact des arrivées vous parviendra au courant de la soirée. 🕢
L4.1 Schrank Guy & Hoerold Pia 17/18 (C4) - Schoul Lamadelaine
Kachen an der Rollenger Millen
31. Januar 2018
E Mëttwoch 31. Januar ware mir mam Laurent Bertolini aus der Naturschoul Lasauvage zu Rolleng an der Millen an hunn do zesummen e leckeren a gesonde Menü mat frësche Liewensmëttel gekacht: eng gutt Geméiszopp als Entrée, duerno Lasagne (déi mer natierlech selwer gemaach hunn) an zwou Äppeltaarten. Mir kruten och een Abléck an d'Millen a krute gewisen, wéi do fréier mat Waasserkraaft Kären zu Miel verschafft goufen. Et war e flotten Dag!
Schnéiklassen Gemeng Péiteng
+++ Classes de neige 2018: GUTT UKOMM! BIEN ARRIVÉS À DESTINATION! +++
26. Januar 2018
D‘Schoulkanner aus dem Cycle 4.2 vu Péiteng, Rodange a Lamadelaine an déi ganz Equipe vun de Schnéiklassen si gutt am Jufa „Wipptal“ zu Steinach am Brenner ukomm!
Enfants, personnel enseignant et accompagnateurs sont bien arrivés à l‘auberge „Wipptal“ à Steinach am Brenner. Nous leur souhaitons un agréable séjour! Infos et photos de l‘édition 2018 ici sur le site http://classedeneige.schoul.lu
|
