Et kéint een elo soen: D'Wieder war schlecht. Et huet de ganzen Dag geschneit. Mer hunn d'Sonn haut net gesinn. Et war vill Wand. Et huet ee net ganz vill gesinn. Et ware Kéip mat Schnéi op der Pist.
Mee d'Kanner soten eis: EGAL!
An dofir ameséieren mer eis awer, ginn eis onmoosseg gutt drunn, maache riseg Fortschrëtter. Mer profitéieren vun ronn 20cm Neischnéi. D'Piste si super, wann ee mol fällt, dann fällt e mëll. Als kréinenden Ofschloss maachen mer beim Rosentirli eng riseg Schnéiballschlacht.
RESPEKT fir d'Kanner, déi sech den Dag net vun den Ëmstänn verdiewe gelooss hunn. Si sinn mega-motivéiert!
p.s. Muer kënnt d'Sonn!
p.p.s. Mer konnten haut wéinst dem Wieder net vill Fotoe maachen.
p.p.p.s. Egal