Projeten

PDS (Plan de développement scolaire)

Zesumme stäerke mir d'Motivatioun an d'Kooperatioun vun eis all.

Esou schafe mir ee Klima vu Respekt a Wuelbefannen.

Aus der Auswäertung vun de Questionnaire vun de Kanner an den Elteren huet de Schoulcomité, zesumme mam Léierpersonal, an an enker Zesummenaarbecht mat den Elterevertrieder an dem Personal aus der Maison Relais, d'Ziler an d'Aktiounen definéiert, fir d'Visioun vun der Schoul ze erreechen:

1. Förderung vum positive Schoulklima 

2. Förderung vun der Zesummenaarbecht tëscht den Enseignanten

3. Optiméierung vun Appui an Assistance 

Während dem Schouljoer 2018-2019 gëtt d'Zil 1 prioritär behandelt. 

__________________________________________________________

E Stopp fir de Mupp

D'Konsdrefer Schoul ënnerstëtzt de Projet "Handi'Chiens", deen Assistenzhënn ausbild. 

Heifir sammele mir Stëpp aus mëllem Plastik (Gedrénks, Jus, Waasser, Mëllech, ...). Haart Plastiksdeckelen (Schockelasbotter, Hunneg, ...) gi refuséiert. 

____________________________________________________________

Offallvermeidung a Recyclage

Dëse Projet gouf initiéiert 2013/2014 an Zesummenaarbecht mat der Elterevereenegung a mat der "SuperDreckskëscht". Zil dervunn ass, d'Schüler op d'Wichtegkeet vu recycléierbarem Offall hinzeweisen a si ze sensibiliséieren.