Meng Klass - Blog

Esou lues a lues gi mer gutt mam Sécheren eens a jidfereen sicht sech seng Erausfuerderungen. Déi eng klamme méi héich wéi d'lescht Kéier, déi aner siche sech méi schwiereg Routen. Bis Ouschtere gi mer elo all Mëttwoch Mëtten. Top!

Esou lues a lues gëtt jidfereen eens. Verschiddener musse nach hier Angscht iwwwerwannen, mee dat kënnt och lues a lues. No dem Opwiermen mat verschiddene Spillercher, kommen der ëmmer méi bis ganz uewen un d'Wand. D'Séchere klappt och ëmmer besser/ëmmer méi automatesch. 

Eng immens motivant Méiglechkeet fir verschidde Saachen ze léieren.

Kuerz Erklärung: Et gëtt a Gruppe vun dräi oder véier Kanner geschafft. All Grupp kritt eng Angab a muss d'Erklärung dozou uklicken (oder ëmgedréint). Den Trick bei der Saach ass, dass just ee Kand aus der Grupp déi richteg Äntwert huet. D'Kanner musse sech ofschwätzen, allerdings dierfe se dat net virun engem Ecran maachen. Esou gëtt verhënnert, dass ee "staarke" Schüler einfach den Tour mécht, ukräizt an déi aner Kanner aus der Ekipp näischt maachen. Bei all richteger Äntwert, geet de Balken vun der Grupp a bësse weider Richtung Zil. Opgepasst! bei enger falscher Äntwert fällt déi ganz Grupp zréck op Null...

Mir hu bis elo e puer verschidde Saachen esou am Franséiche beschafft: Vokabelen, Accord'en vum Participe Passé beim Passé Composé, Biller mat klenge Säzt verbannen.

Firwat ass dës Aart a Weis ze schaffen interessant?

D'Kanner sinn all aktiv. Si mussen an der Grupp zesummeschaffen. Si musse genee liesen/kucken, well verschidde Léisunge sech ganz ähnlech sinn. Et ass wichteg ze iwwerleeën, ier eppes ugekräizt gëtt! Klengegkeete wéi Accord'en ginn wouer- a wichteggeholl, well wann et falsch ass, fällt d'Grupp zréck op Null. D'Kommunikatioun an der Grupp ass wichteg a gëtt gefërdert.

D'Kanner si begeeschtert a léieren séier bäi. Ech hu nachnet oft gesinn, dass Kanner sech esou iwwer e korrekten Accord beim Passé Composé gefreet hunn. ?

Nodeem mer e puer Dréchenübunge an der Klass gemaach hunn fir d'Kniet an d'Ustrécken ze léieren, ware mer elo schon zwee mol an der Kloterhal zu Zolwer. Do hu mer eis fir d'éischt spillerech waarm gemaach an e puer Kloterspiller am Boulderraum gemaach. Duerno ass erkläert ginn, wéi dat mam Ustrécken, Sécheren an Erofloosse fonktionnéiert a mir hunn eis éischt Versich gemaach. Verschiddener konnten och schon an der grousser Hall testen, wéi héich se kommen. E grousse Merci fir d'Ënnerstëtzung vun der Maison Relais.